ನಿವೃತ್ತ ಸೈನಿಕ ಶತಾಯುಷಿ 108 ವಯಸ್ಸಿನ ಮೈಕಲ್‌ ಡಿ’ಸೋಜಾ ಇನ್ನಿಲ್ಲ

ಉಡುಪಿ: ಪರ್ಕಳ ಗ್ಯಾಟ್ಸನ್‌ ಅಚ್ಯುತ ನಗರ ನಿವಾಸಿ ಮೈಕಲ್‌ ಡಿ’ಸೋಜಾ (108) ಅವರು ಸೆ. 8ರಂದು ನಿಧನ ಹೊಂದಿದರು. ಮದ್ರಾಸ್‌ ಸರಕಾರ ಇರುವಾಗ ಸೈನ್ಯಕ್ಕೆ ಸೇರಿದ್ದ ಅವರು ಮೆಕ್ಯಾನಿಕಲ್‌/ಡ್ರೈವರ್‌ ಆಗಿ ಸೇನೆಯಲ್ಲಿ 10 ವರ್ಷಗಳ ಕಾಲ ಸೇವೆ ಸಲ್ಲಿಸಿದ್ದರು. ಪರ್ಕಳದ ಸಂಬಂಧಿಕರ ಮನೆಯಲ್ಲಿ ವಿಶ್ರಾಂತಿ ಜೀವನ ನಡೆಸುತ್ತಿದ್ದರು.

ಸೈನ್ಯದಲ್ಲಿನ ಸೇವೆಯ ಅನಂತರ ಪಿಡಬ್ಲ್ಯುಡಿ ಇಲಾಖೆಗೆ ಸೇರಿ ಉಡುಪಿ ರಥಬೀದಿಯ ರಥ ಸುತ್ತುವ ನಾಲ್ಕು ಬೀದಿ ಕಾಂಕ್ರೀಟ್‌ ರಸ್ತೆ, ಮದ್ರಾಸ್ ಸರಕಾರದಲ್ಲಿ ಸೇನೆಗೆ ಸೇರಿದ್ದ ಮೈಕಲ್, ಹತ್ತು ವರ್ಷಗಳ ಕಾಲ ಸೇನೆಯಲ್ಲಿ ಕೆಲಸ ಮಾಡಿ ನಿವೃತ್ತಿ ಪಡೆದಿದ್ದರು. ಸೇನೆಯಲ್ಲಿ ಮೆಕ್ಯಾನಿಕ್ ಕಂ ಡ್ರೈವರ್ ಆಗಿ ಕೆಲಸ ನಿರ್ವಹಿಸಿದ್ದರು. ಹತ್ತು ವರ್ಷ ಸೇನೆಯಲ್ಲಿ ದುಡಿದು ನಿವೃತ್ತಿಯ ಬಳಿಕ ಪಿಡಬ್ಲ್ಯುಡಿ ಕಂಟ್ರಾಕ್ಟರ್ ಆಗಿ ಸೇರಿದ್ದರು. ಮದ್ರಾಸ್ ಸರಕಾರದಲ್ಲಿದ್ದುಕೊಂಡೇ ಕಂಟ್ರಾಕ್ಟ್ ಕೆಲಸ ಮಾಡುತ್ತಿದ್ದರು. ಉಡುಪಿಯ ರಥಬೀದಿಯಲ್ಲಿ ಕಾಂಕ್ರೀಟ್, ಕುಳೂರಿನ ಸೇತುವೆಯನ್ನು ಬ್ರಿಟಿಷರ ಕಾಲದಲ್ಲಿ ಮೈಕಲ್ ಗುತ್ತಿಗೆ ಪಡೆದು ಮಾಡಿದ್ದರೆಂಬುದು ಹೆಗ್ಗಳಿಕೆ. ಮಲ್ಪೆ- ಕಲ್ಮಾಡಿ ಸೇತುವೆ ಸೇರಿ ಬೈಂದೂರಿನಲ್ಲಿ ಹಲವು ಸೇತುವೆಗಳನ್ನು ಮೈಕಲ್ ಮಾಡಿಕೊಟ್ಟಿದ್ದರು.ಇಳಿ ವಯಸ್ಸಿನಲ್ಲೂ ವಾಹನ ಚಾಲನೆಯನ್ನು ಉತ್ತಮವಾಗಿ ಮಾಡುತ್ತಿದ್ದ ಅವರಿಗೆ ಆರ್‌ಟಿಒ ಇಲಾಖೆ 2024ರ ತನಕ ಚಾಲನ ಪರವಾನಿಗೆಯನ್ನೂ ನೀಡಿತ್ತು.