ರೈಲಿನಲ್ಲಿ ನಮಾಜ್: ಸಂಚಾರಕ್ಕೆ ಅಡ್ಡಿ , ವಿಡಿಯೋ ಹಂಚಿಕೊಂಡ ಉತ್ತರ ಪ್ರದೇಶ ಮಾಜಿ ಶಾಸಕ ದೀಪಲಾಲ್ ಭಾರತಿ

ಲಕ್ನೋ ಅ 22: ರೈಲಿನಲ್ಲಿ ನಾಲ್ವರು ಮುಸ್ಲಿಂ ಪುರುಷರು ನಮಾಜ್ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದೆ. ಉತ್ತರ ಪ್ರದೇಶದ ಮಾಜಿ ಶಾಸಕ ದೀಪ್ಲಾಲ್ ಭಾರತಿ ಅವರು ಚಿತ್ರೀಕರಿಸಿದ ವಿಡಿಯೊದಲ್ಲಿ ಖಡ್ಡಾ ರೈಲು ನಿಲ್ದಾಣದಲ್ಲಿ ರೈಲು ನಿಂತಾಗ ನಮಾಜ್ ಮಾಡುವುದನ್ನು ತೋರಿಸಲಾಗಿದೆ.ಘಟನೆ ಅಕ್ಟೋಬರ್ 20 ರಂದು ನಾನು ಸತ್ಯಾಗ್ರಹ ಎಕ್ಸ್‌ಪ್ರೆಸ್‌ನಲ್ಲಿ ಪ್ರಯಾಣಿಸುತ್ತಿದ್ದಾಗ ನಾಲ್ವರು ನಮಾಜ್ ಮಾಡುವುದನ್ನು ಕಂಡಿದ್ದೇನೆ, ಇತರ ಪ್ರಯಾಣಿಕರ ದಾರಿಯನ್ನು ತಡೆದು ಮುಸ್ಲಿಂ ಪುರುಷರು ನಮಾಜ್ ಮಾಡುತ್ತಿದ್ದರು ಎಂದು ಬಿಜೆಪಿ ನಾಯಕ ಹೇಳಿದ್ದಾರೆ. “ನಾನು ವಿಡಿಯೊ ಹಂಚಿಕೊಂಡಿದ್ದೇನೆ . ಅವರು ಸ್ಲೀಪರ್ ಕೋಚ್‌ನಲ್ಲಿ ನಮಾಜ್ ಮಾಡಿದರು. ಇತರ ಪ್ರಯಾಣಿಕರು ರೈಲಿನಲ್ಲಿ ಪ್ರವೇಶಿಸಲು ಅಥವಾ ಹೊರಬರಲು ಸಾಧ್ಯವಾಗದ ಕಾರಣ ಅನನುಕೂಲತೆ ಉಂಟಾಯಿತು. ಅವರು ಸಾರ್ವಜನಿಕ ಸ್ಥಳಗಳಲ್ಲಿ ಹೇಗೆ ನಮಾಜ್ ಮಾಡಬಹುದು? ಅದು ತಪ್ಪು” ಎಂದು ದೀಪ್ಲಾಲ್ ಭಾರತಿ ಹೇಳಿದ್ದಾರೆ.

Four #Muslims offered Namaz inside train reportedly in #Kushinagar.

A man can be seen asking travelers to wait. pic.twitter.com/ZiqsHFDPLh

— India Faith (@IndiaFaithMedia) October 22, 2022

ಕೋಚ್‌ನ ಎರಡು ಬದಿಗಳಲ್ಲಿ ಇಬ್ಬರು ಜನರನ್ನು ಅವರು ನಮಾಜ್ ಮಾಡುವ ಮೂಲಕ ಕೋಚ್‌ಗೆ ಪ್ರವೇಶಿಸಲು ಮತ್ತು ಹೊರಹೋಗದಂತೆ ತಡೆದಿದ್ದಾರೆ ಎಂದು ಮಾಜಿ ಶಾಸಕರು ಹೇಳಿದ್ದಾರೆ. ದೀಪಲಾಲ್ ಭಾರತಿ ಅವರು ಭಾರತೀಯ ರೈಲ್ವೇ ಅಧಿಕಾರಿಗಳಿಗೆ ದೂರು ನೀಡಿದ್ದು, ಕ್ರಮಕ್ಕೆ ಒತ್ತಾಯಿಸಿದ್ದಾರೆ.

ಉತ್ತರಪ್ರದೇಶದಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ನಮಾಜ್ ಮಾಡುವ ಮೊದಲ ಘಟನೆ ಇದಲ್ಲ. ಈ ಹಿಂದೆ, ಲಕ್ನೋದ ಲುಲು ಮಾಲ್‌ನಲ್ಲಿ ಜನರ ಗುಂಪೊಂದು ನಮಾಜ್ ಮಾಡುತ್ತಿರುವ ವಿಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಕಾಣಿಸಿಕೊಂಡ ನಂತರ ಅದಕ್ಕೆ ಸಾಕಷ್ಟು ವಿರೋಧವೂ ಬಂದಿತ್ತು.