ಮಂಗಳೂರು ಭಾರಿ ಜನಸಾಗರದ ನಡುವೆ ಅಮಿತ್ ಷಾ ಅದ್ದೂರಿ ರೋಡ್ ಶೋ

ರಸ್ತೆಯುದ್ದಕ್ಕೂ ಹಾರಾಡುತ್ತಿದ್ದ ಬಿಜೆಪಿಯ ಧ್ವಜಗಳು ಕೇಸರಿ ಅಲೆಯನ್ನೇ ಸೃಷ್ಟಿಸಿದ್ದವು. ಕುದ್ಮುಲ್‌ ರಂಗರಾವ್ ಪುರಭವನದ ಬಳಿಯಿಂದ ಹೊರಟ ಅಮಿತ್ ಶಾ ಅವರಿದ್ದ ವಾಹನ ಸಾಗಿ ಬರುತ್ತಿದಂತೆಯೇ ಮೊಳಗಿದ‌ ಜಯಘೋಷ ಪಕ್ಷದ ಕಾರ್ಯಕರ್ತ ರಲ್ಲಿ ಹುಮ್ಮಸ್ಸು ಮೂಡಿಸಿತ್ತು. ಹುಲಿವೇಷಧಾರಿಗಳ ಕಸರತ್ತು, ರೋಡ್ ಶೊ ದ ವಿಶೇಷ ಆಕರ್ಷಣೆಯಾಗಿತ್ತು. ಕೆಲ ಯುವಕರು ತುಳುವರ ಅಸ್ಮಿತೆಯಾದ, ಸೂರ್ಯ ಚಂದ್ರದ ಲಾಂಛನ ಇರುವ ಕೆಂಬಣ್ಣದ ಧ್ವಜವನ್ನೂ ಬೀಸಿದರು. ಅಮಿತ್ ಷಾ ಅವರು ಮಂಗಳೂರಿನ ಅಭ್ಯರ್ಥಿ ವೇದವ್ಯಾಸ ಕಾಮತ್ ಪರವಾಗಿ ಮತ ಕೇಳುವುದಕ್ಕಾಗಿ ಆಗಮಿಸಿದ್ದಾರೆ. ಬಿಜೆಪಿಗೆ ಮತ್ತೊಮ್ಮೆ ಆಶೀರ್ವದಿಸಬೇಕು ಎಂದು ಹೇಳುತ್ತಾ ಸಾಗಿದರು

ಪಕ್ಷದ ರಾಜ್ಯ ಘಟಕದ ಅಧ್ಯಕ್ಷ ನಳಿನ್ ಕುಮಾರ್ ಕಟೀಲ್, ಬಿಜೆಪಿ ದಕ್ಷಿಣ ಕನ್ನಡ ಜಿಲ್ಲಾ ಘಟಕದ ಅಧ್ಯಕ್ಷ ಸುದರ್ಶನ ಮೂಡುಬಿದಿರೆ, ಮಂಗಳೂರು ದಕ್ಷಿಣ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ವೇದವ್ಯಾಸ ಕಾಮತ್ ಹಾಗೂ ಪಕ್ಷದ ಮುಖಂಡರು ವಾಹನದಲ್ಲಿ ಇದ್ದರು