ಕೀವ್: ಉಕ್ರೇನ್ ಯುದ್ಧದಲ್ಲಿ ಕ್ರಿಪ್ಟೊ ಕರೆನ್ಸಿ ಮಹತ್ತರ ಪಾತ್ರ ವಹಿಸುತ್ತಿರುವ ಅಚ್ಚರಿಯ ಸಂಗತಿ ಬೆಳಕಿಗೆ ಬಂದಿದೆ. ರಷ್ಯಾ ವಿರುದ್ಧದ ಯುದ್ಧದಲ್ಲಿ ಕೋಟ್ಯಂತರ ರೂ. ಹಣವನ್ನು ದೇಣಿಗೆ ರೂಪದಲ್ಲಿ ಸಂಗ್ರಹಿಸಲು ಉಕ್ರೇನ್ ಕ್ರಿಪ್ಟೊ ಕರೆನ್ಸಿ ಮೊರೆ ಹೋಗಿದೆ.
ಕ್ರಿಪ್ಟೊ ಕರೆನ್ಸಿ ಸಹಾಯದಿಂದ ಜಗತ್ತಿನ ಮೂಲೆ ಮೂಲೆಗಳಲ್ಲಿರುವ ಉಕ್ರೇನ್ ಪರ ಜನರು ಉಕ್ರೇನ್ ಸರ್ಕಾರಕ್ಕೆ ಹಣ ಸಹಾಯ ಮಾಡುತ್ತಿದ್ದಾರೆ. ಈ ಹಣ ಸಂಗ್ರಹಣೆಯನ್ನು ನಿರ್ವಹಿಸಲೆಂದೇ ಉಕ್ರೇನ್ ಪ್ರತ್ಯೇಕ ತಂಡವನ್ನು ನೇಮಿಸಿದೆ.
ಇದುವರೆಗೂ 759 ಕೋಟಿ ರೂ.ಗಳಿಗೂ ಹೆಚ್ಚು ಹಣವನ್ನು ಉಕ್ರೇನ್ ಸಂಗ್ರಹಿಸಿದೆ ಎನ್ನಲಾಗುತ್ತಿದೆ. ಈ ಹಣವನ್ನು ಸೈನಿಕರ ಬುಲೆಟ್ ಪ್ರೂಫ್ ಜಾಕೆಟ್, ಹೆಲ್ಮೆಟ್ ಮತ್ತು ಜನರ ರೇಷನ್ನಿಗೆ ಬಳಕೆ ಮಾಡುತ್ತಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಕ್ರಿಪ್ಟೊ ಕರೆನ್ಸಿಯಿಂದ ಸಿಗುತ್ತಿರುವ ಪ್ರಯೋಜನ ಕಂಡು ಸಂತಸ ವ್ಯಕ್ತಪಡಿಸಿರುವ ಅಧಿಕಾರಿಗಳು ಯುದ್ಧ ಗೆದ್ದ ನಂತರ ಕ್ರಿಪ್ಟೊ ಕರೆನ್ಸಿಯನ್ನು ಉಕ್ರೇನ್ ಆರ್ಥಿಕತೆಯ ಭದ್ರ ಅಡಿಪಾಯವಾಗಿಸುತ್ತೇವೆ ಎಂದಿದ್ದಾರೆ.
Discussion about this post