ಸ್ಯಾನ್ ಫ್ರಾನ್ಸಿಸ್ಕೋ(ಅಮೆರಿಕ): ಐಫೋನ್ಗಳು, ಐಪ್ಯಾಡ್ಗಳು ಮತ್ತು ಮ್ಯಾಕ್ಗಳಿಗೆ ಭದ್ರತಾ ದೋಷದ ಬಗ್ಗೆ ಆಪಲ್ ಕಂಪನಿ ಕಳವಳ ವ್ಯಕ್ತಪಡಿಸಿದೆ. ತಮ್ಮ ಬಳಕೆದಾರರಿಗೆ ಈ ಕೂಡಲೇ ಆಪಲ್ ಸಾಧನಗಳನ್ನು ಅಪ್ಡೇಟ್ ಮಾಡುವಂತೆ ಎಚ್ಚರಿಕೆ ನೀಡಿದೆ. ಐಫೋನ್ಗಳು, ಐಪ್ಯಾಡ್ಗಳು ಮತ್ತು ಮ್ಯಾಕ್ಗಳಿಗೆ ಗಂಭೀರವಾದ ಭದ್ರತಾ ದೋಷಗಳು ಎದುರಾದ ಬಗ್ಗೆ ಆಪಲ್ ಕಂಪನಿ ಬಹಿರಂಗಪಡಿಸಿದೆ. ಕೆಲ ಸಾಫ್ಟ್ವೇರ್ ನ್ಯೂನತೆಗಳು ದಾಳಿಕೋರರಿಗೆ ಸಂಪೂರ್ಣ ನಿಯಂತ್ರಣವನ್ನು ತೆಗೆದುಕೊಳ್ಳಲು ಅನುವು ಮಾಡಿಕೊಡುತ್ತಿವೆ. ದಾಳಿಕೋರರು ಈ ಸಮಸ್ಯೆಯನ್ನು ಸಕ್ರಿಯವಾಗಿ ಬಳಸಿಕೊಳ್ಳುತ್ತಿದ್ದಾರೆ ಎಂದು ಆಪಲ್ ಎರಡು ಭದ್ರತಾ ವರದಿಗಳಲ್ಲಿ ಹೇಳಿದೆ. ಪೀಡಿತ ಸಾಧನಗಳನ್ನು iPhones6S ಮತ್ತು ನಂತರದ ಮಾದರಿಗಳನ್ನು ನವೀಕರಿಸಲು ಭದ್ರತಾ ತಜ್ಞರು ಬಳಕೆದಾರರಿಗೆ ಸಲಹೆ ನೀಡಿದ್ದಾರೆ. 5 ನೇ ತಲೆಮಾರಿನ ಮತ್ತು ನಂತರದ ಎಲ್ಲ ಐಪ್ಯಾಡ್ ಪ್ರೊ ಮಾದರಿಗಳು ಮತ್ತು ಐಪ್ಯಾಡ್ ಏರ್ 2 ಸೇರಿದಂತೆ iPad ನ ಹಲವಾರು ಮಾದರಿಗಳು ಮತ್ತು Mac ಕಂಪ್ಯೂಟರ್ಗಳನ್ನು ಚಲಾಯಿಸುವ MacOS Monterey ಅಪ್ಡೇಟ್ ಮಾಡಲು ಬಳಕೆದಾರರಿಗೆ ಆಪಲ್ ಕಂಪನಿ ಎಚ್ಚರಿಕೆ ನೀಡಿದೆ. ಈ ದೋಷದಿಂದಾಗಿ ಹ್ಯಾಕರ್ಗಳು ಡಿವೈಸ್ ಮೇಲೆ ಸಂಪೂರ್ಣ ಆಡ್ಮಿನ್ ಆಕ್ಸೆಸ್ ಪಡೆಯುವ ಸಾಧ್ಯತೆಯಿದೆ ಎಂದು ಸೋಷಿಯಲ್ ಫ್ರೂಫ್ ಸೆಕ್ಯೂರಿಟಿ ಸಿಇಒ ರಾಚೆಲ್ ಟೊಬ್ಯಾಕ್ ತಿಳಿಸಿದ್ದಾರೆ.
Discussion about this post