ಭಾರತದಲ್ಲಿ ಮುಸ್ಲಿಮರ ಮೇಲಿನ ಹಿಂಸಾಚಾರ ನೋಡಿ ಬೇಸರವಾಯಿತು: ಭಾರತೀಯ-ಅಮೆರಿಕನ್ ಸೂಪರ್ ಮಾಡೆಲ್ ಪದ್ಮಾ ಲಕ್ಷ್ಮಿ

ಮುಂಬೈ: ಭಾರತದಲ್ಲಿ ಮುಸ್ಲಿಮರ ಮೇಲಿನ ಹಿಂಸಾಚಾರ ನೋಡಿ ಬೇಸರವಾಗುತ್ತಿದೆ ಎಂದು ಭಾರತೀಯ-ಅಮೆರಿಕನ್ ಸೂಪರ್ ಮಾಡೆಲ್ ಮತ್ತು ಲೇಖಕಿ ಪದ್ಮಾ ಲಕ್ಷ್ಮಿ ಹೇಳಿದ್ದಾರೆ. ಭಾರತ ಅಥವಾ ಬೇರೆಲ್ಲಿಯೂ ಹಿಂದುತ್ವಕ್ಕೆ ಯಾವುದೇ ಬೆದರಿಕೆ ಇಲ್ಲ. ಈ ಪುರಾತನ, ವಿಶಾಲವಾದ ಭೂಮಿಯಲ್ಲಿ ಎಲ್ಲ ಧರ್ಮದ ಜನರು ಶಾಂತಿಯುತವಾಗಿ ಬದುಕಬೇಕು ಎಂದು ಪದ್ಮಾ ಲಕ್ಷ್ಮೀ ಹೇಳಿದ್ದಾರೆ.

ಏಪ್ರಿಲ್ 27ರಂದು ಸರಣಿ ಟ್ವೀಟ್‌ ಮಾಡಿರುವ ಪದ್ಮಾ ಲಕ್ಷ್ಮಿ, ದೇಶದಲ್ಲಿ ‘ವ್ಯಾಪಕ ಮುಸ್ಲಿಂ ವಿರೋಧಿ ವಾಕ್ಚಾತುರ್ಯ’ ನಡೆಯುತ್ತಿದೆ. ‘ಈ ಭಯವನ್ನು ಸೃಷ್ಟಿಸುವ’ ಮತ್ತು ‘ಪ್ರಚಾರದ’ ಬಲೆಗೆ ಹಿಂದೂಗಳು ಬೀಳಬಾರದು ಎಂದು ಆಶಿಸಿದರು.

Fellow Hindus, don't succumb to this fear-mongering. There is no threat to Hinduism in India or anywhere else. True spirituality doesn't include any room for sowing hatred of any kind.

People of all faiths should be able to live peacefully together in this ancient, vast land.

— Padma Lakshmi (@PadmaLakshmi) April 27, 2022

ಹನುಮ ಜಯಂತಿಯಂದು ದೆಹಲಿಯ ಜಹಾಂಗೀರ್ಪುರಿಯಲ್ಲಿ ಎರಡು ಸಮುದಾಯಗಳ ನಡುವೆ ನಡೆದ ಹಿಂಸಾಚಾರ ಮತ್ತು ರಾಮನವಮಿ ಮೆರವಣಿಗೆಯ ಸಂದರ್ಭದಲ್ಲಿ ಮಧ್ಯಪ್ರದೇಶದ ಖಾರ್ಗೋನ್ ನಗರದಲ್ಲಿ ನಡೆದ ಹಿಂಸಾಚಾರದ ಕುರಿತು ‘ದಿ ಗಾರ್ಡಿಯನ್’ ಮತ್ತು ‘ಲಾಸ್ ಏಂಜಲೀಸ್ ಟೈಮ್ಸ್’ ನಂತಹ ಅಂತಾರಾಷ್ಟ್ರೀಯ ಪ್ರಕಟಣೆಗಳ ಸುದ್ದಿ ಲೇಖನಗಳನ್ನು ಹಂಚಿಕೊಂಡ ಪದ್ಮಾ ಲಕ್ಷ್ಮಿ ಹೇಳಿದರು.  ಭಾರತದಲ್ಲಿ ಮುಸ್ಲಿಮರ ವಿರುದ್ಧದ ಹಿಂಸಾಚಾರವನ್ನು ನೋಡಿ ಬೇಸರವಾಯಿತು. ಮುಸ್ಲಿಮರ ವಿರುದ್ಧ ವ್ಯಾಪಕವಾದ ವಾಕ್ಚಾತುರ್ಯವು ಭಯವನ್ನು ಉಂಟುಮಾಡುತ್ತದೆ. ಇದು ಜನರನ್ನು ವಿಷಪೂರಿತಗೊಳಿಸುತ್ತದೆ. ಈ ಪ್ರಚಾರವು ಅಪಾಯಕಾರಿ ಮತ್ತು ಮೋಸದಾಯಕವಾಗಿದೆ. ಏಕೆಂದರೆ ನೀವು ಯಾರನ್ನಾದರೂ ಕಡಿಮೆ ಅಂದಾಜು ಮಾಡಿದಾಗ, ಅವರ ನಿಗ್ರಹದಲ್ಲಿ ತೊಡಗಿಸಿಕೊಳ್ಳುವುದು ಸುಲಭವಾಗುತ್ತದೆ.