ಮುಂಬೈ: ಗುರುವಾರ ಮುಂಬೈ ವಿಮಾನ ನಿಲ್ದಾಣದ ಕಸ್ಟಮ್ಸ್ ಇಲಾಖೆಯು ಇಥಿಯೋಪಿಯಾದ ಅಡಿಸ್ ಅಬಾಬಾದಿಂದ ಮುಂಬೈಗೆ ಆಗಮಿಸಿದ ಭಾರತೀಯ ಪ್ರಜೆಯನ್ನು 8.40 ಕೋಟಿ ಮೌಲ್ಯದ 16 ಕೆಜಿ ಚಿನ್ನದೊಂದಿಗೆ ಬಂಧಿಸಿದೆ ಎಂದು ಕಸ್ಟಮ್ಸ್ ತಿಳಿಸಿದೆ.
ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಅಡಿಸ್ ಅಬಾಬಾದಿಂದ ಬಂದ ಭಾರತೀಯ ಪ್ರಯಾಣಿಕನಿಂದ 8.40 ಕೋಟಿ ಮೌಲ್ಯದ 12 ಚಿನ್ನದ ಬಿಸ್ಕತ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ಕಸ್ಟಮ್ಸ್ ಅಧಿಕಾರಿಗಳಿಗೆ ಗೌಪ್ಯ ಮಾಹಿತಿ ಬಂದಿತ್ತು. ಈ ಮಾಹಿತಿ ಆಧರಿಸಿ ಅಧಿಕಾರಿಗಳು ಇಥಿಯೋಪಿಯನ್ ಏರ್ ಲೈನ್ಸ್ ವಿಮಾನದಲ್ಲಿ ಬಂದಿದ್ದ ವ್ಯಕ್ತಿಯನ್ನು ಬಂಧಿಸಿದ್ದಾರೆ.
ಒಂಬತ್ತು ಪಾಕೆಟ್ಗಳನ್ನು ಹೊಂದಿರುವ ವಿಶಿಷ್ಟವಾದ ಎದೆಯ ಬೆಲ್ಟ್ ಅನ್ನು ಎದೆಯ ಸುತ್ತಲೂ ಸುತ್ತಿ ಮತ್ತು ಭುಜದ ಮೇಲೆ 16 ಕೆಜಿ ತೂಕದ ಹನ್ನೆರಡು ಚಿನ್ನದ ಬಿಸ್ಕತ್ತುಗಳನ್ನು ಬಚ್ಚಿಟ್ಟುಕೊಂಡಿರುವುದನ್ನು ಅಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಇಬ್ಬರು ಸುಡಾನ್ ಪ್ರಯಾಣಿಕರು ದುಬೈನಲ್ಲಿ ಚಿನ್ನವನ್ನು ನೀಡಿದ್ದರು ಎಂದು ಭಾರತೀಯ ಪ್ರಜೆ ಬಹಿರಂಗಪಡಿಸಿದ್ದಾನೆ. ಸುಡಾನ್ನ ಪ್ರಯಾಣಿಕನನ್ನು ಸಹ ನಿಲ್ಲಿಸಿ ಬಂಧಿಸಲಾಯಿತು. ಎಲ್ಲಾ ಮೂವರು ಪ್ರಯಾಣಿಕರನ್ನು ಬಂಧಿಸಿ 14 ದಿನಗಳ ಕಾಲ ನ್ಯಾಯಾಂಗ ಬಂಧನದಲ್ಲಿರಿಸಲಾಗಿದೆ.
Discussion about this post