ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ದಾಖಲಾದ ಕಾರವಾರ ಮೂಲದ ಯುವಕನಲ್ಲಿ ನಿಫಾ ವೈರಸ್​ ಲಕ್ಷಣ ಪತ್ತೆ!

ಮಂಗಳೂರು: ಕರೊನಾ ಸೋಂಕಿನಿಂದ ಕಂಗೆಟ್ಟಿರುವ ರಾಜ್ಯದ ಜನತೆಗೆ ನಿಫಾ ವೈರಸ್​ ಮತ್ತಷ್ಟು ಆತಂಕ ತಂದೊಡ್ಡಿದ್ದು, ಮಂಗಳೂರಿನಲ್ಲಿ ಯುವಕನೊಬ್ಬನಿಗೆ ಸೋಂಕಿನ ಕೆಲ ಲಕ್ಷಣ ಕಂಡು ಬಂದಿದೆ.

ಮಂಗಳೂರಿನ ವೆನ್ಲಾಕ್ ಆಸ್ಪತ್ರೆಗೆ ದಾಖಲಾಗಿದ್ದ ಕಾರವಾರ ಮೂಲದ ಯುವಕನಲ್ಲಿ ನಿಫಾ ವೈರಸ್​ನ ಕೆಲ ಲಕ್ಷಣ ಪತ್ತೆಯಾಗಿದ್ದು, ರೋಗಿಯ ಸ್ಯಾಂಪಲ್ ಪಡೆದು ದಕ್ಷಿಣ ಕನ್ನಡ ಜಿಲ್ಲಾ ಆರೋಗ್ಯ ಇಲಾಖೆಯು ಬೆಂಗಳೂರಿಗೆ ಕಳುಹಿಸಿದೆ.

ಈತ ಗೋವಾದ ಲ್ಯಾಬ್​ವೊಂದರಲ್ಲಿ ಮೈಕ್ರೋಬಯೋಲಾಜಿಸ್ಟ್. ಜ್ವರ ಸೇರದಂತೆ ಇತರ ಲಕ್ಷಣ ಕಂಡುಬಂದ ಹಿನ್ನೆಲೆಯಲ್ಲಿ ನಿಫಾ ಟೆಸ್ಟ್​ ಮಾಡುವಂತೆ ಯುವಕ ಮನವಿ ಮಾಡಿದ್ದ. ಸದ್ಯ ಟೆಸ್ಟ್ ರಿಪೋರ್ಟ್​ಗಾಗಿ ದ.ಕ. ಜಿಲ್ಲಾ ಆರೋಗ್ಯ ಇಲಾಖೆ ಕಾಯುತ್ತಿದೆ.