ಸುಳ್ಯ : ಅರಣ್ಯದಂಚಿನ ಕೃಷಿ ಪ್ರದೇಶಗಳನ್ನು ಕಾಡಾನೆ ಹಾವಳಿಯಿಂದ ರಕ್ಷಿಸಲು ಅರಣ್ಯ ಇಲಾಖೆ ನಾನಾ ಕ್ರಮಗಳನ್ನು ಕೈಗೊಂಡರೂ, ಪೂರ್ತಿ ಫಲ ನೀಡದ ಕಾರಣ ಇದೀಗ ಮತ್ತೊಂದು ವಿಧಾನಕ್ಕೆ ಮೊರೆ ಹೋಗಿದೆ. ಆಯಕಟ್ಟಿನ ಪ್ರದೇಶದಲ್ಲಿ ಕಾಂಕ್ರೀಟ್‌ ತಡೆ ಬೇಲಿ ನಿರ್ಮಿಸಲು ಮುಂದಾಗಿದೆ.
ಕೊಡಗು ಹಾಗೂ ಕಾಸರಗೋಡು ಜಿಲ್ಲೆಯ ಗಡಿ ಭಾಗದಲ್ಲಿ ಬರುವ ಸುಳ್ಯ ತಾಲೂಕಿನ ಅರಣ್ಯಗಳಲ್ಲಿರುವ ಆನೆಗಳು ಆಗಾಗ ಕೃಷಿ ತೋಟಗಳಿಗೆ ಲಗ್ಗೆ ಇಡುತ್ತಿದ್ದು, ಅಪಾರ ಪ್ರಮಾಣದಲ್ಲಿ ಕೃಷಿ ಹಾನಿ ಮಾಡುತ್ತಲೇ ಇವೆ. ಆನೆಗಳು ಬಂದಾಗಲೆಲ್ಲಾ ಅರಣ್ಯ ಇಲಾಖೆಗೆ ದೂರು ನೀಡುವುದು, ಅವರು ಆನೆಗಳನ್ನು ಓಡಿಸುವುದು, ಕೆಲವೇ ದಿನಗಳಲ್ಲಿ ಮತ್ತೆ ಲಗ್ಗೆ ಇಡುವುದು ಮಾಮೂಲಿಯಾಗಿದೆ. ಕೊಡಗು ಜಿಲ್ಲೆಯ ಗಡಿ ಭಾಗ ಸಂಪಾಜೆ, ಕೇರಳ ಗಡಿಭಾಗ ಮಂಡೆಕೋಲು ಅರಣ್ಯ ಪ್ರದೇಶದಿಂದ ಆನೆಗಳು ಆಗಾಗ ತೋಟಗಳಿಗೆ ನುಗ್ಗುತ್ತಿವೆ.
ಇತ್ತೀಚಿನ ದಿನಗಳಲ್ಲಿ ಫಲ ಕೊಡುತ್ತಿಲ್ಲ ಎಂಬ ದೂರುಗಳಿವೆ. ನೀರಿನ ಹರಿವು ಇರುವಲ್ಲಿ ಕಂದಕ ನಿರ್ಮಿಸಲು ಸಾಧ್ಯವಾಗುತ್ತಿಲ್ಲ. ಆನೆಗಳು ಇಂತಹ ಪ್ರದೇಶಗಳನ್ನೇ ಆರಿಸಿಕೊಂಡು ಅಲ್ಲಿಂದ ನುಗ್ಗುತ್ತಿವೆ. ಅನೇಕ ಕಡೆ ಕಂದಕಗಳು ಮಳೆಯಿಂದಾಗಿ ಕುಸಿದು ಆನೆಗಳಿಗೆ ಹತ್ತಿಳಿಯಲು ಅನುಕೂಲವಾಗಿದೆ. ಹೀಗಾಗಿ ಇದು ಕೂಡ ಫಲ ನೀಡುತ್ತಿಲ್ಲ.
