ವಿಶ್ವಕಪ್​ ಗೆದ್ದ ಪ್ರತಿಯೊಬ್ಬ ಮಹಿಳಾ ಕ್ರಿಕೆಟ್ ತಂಡದ ಆಟಗಾರ್ತಿಗೆ ಸಿಕ್ತು ಟಾಟಾ ಸಿಯೆರಾ ಎಸ್‌ಯುವಿ ಗಿಫ್ಟ್!

ಮುಂಬೈ: ಟಾಟಾ ಮೋಟಾರ್ಸ್ ವಿಶ್ವಕಪ್ ವಿಜೇತ ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಸದಸ್ಯರನ್ನು ಸನ್ಮಾನಿಸಿ, ಪ್ರತಿಯೊಬ್ಬ ಆಟಗಾರ್ತಿಯರಿಗೂ ಇತ್ತೀಚೆಗೆ ಬಿಡುಗಡೆಯಾದ ಎಸ್‌ಯುವಿ ಸಿಯೆರಾವನ್ನು ಉಡುಗೊರೆಯಾಗಿ ನೀಡಿತು. ಈ ವೇಳೆ ಟಾಟಾ ಸನ್ಸ್ ಅಧ್ಯಕ್ಷ ಎನ್ ಚಂದ್ರಶೇಖರನ್ ಅವರು ಮಹಿಳಾ ಕ್ರಿಕೆಟಿಗರ ಸಾಧನೆಯನ್ನು 1983ರಲ್ಲಿ ನಡೆದ ಕ್ರಿಕೆಟ್ ವಿಶ್ವಕಪ್‌ನಲ್ಲಿ ಪುರುಷರ ತಂಡದ ಗೆಲುವಿಗೆ ಹೋಲಿಸಿದ್ದಾರೆ. ಹೊಸ ಪೀಳಿಗೆಯು ನವೆಂಬರ್ 2, 2025 ಅನ್ನು ಯಾವಾಗಲೂ ಒಂದು ಮೈಲಿಗಲ್ಲು ಎಂದು ನೆನಪಿಸಿಕೊಳ್ಳುತ್ತದೆ ಎಂದು ಅವರು ಹೇಳಿದರು.

ಹೌದು, ಟಾಟಾ ಮೋಟಾರ್ಸ್ ಭಾರತೀಯ ಮಹಿಳಾ ವಿಶ್ವಕಪ್ ವಿಜೇತ ತಂಡಕ್ಕೆ ಪ್ರತಿ ಆಟಗಾರ್ತಿಗೆ ಹೊಚ್ಚ ಹೊಸ ಟಾಟಾ ಸಿಯೆರಾ ಎಸ್‌ಯುವಿಯನ್ನು ಉಡುಗೊರೆಯಾಗಿ ನೀಡುವ ಮೂಲಕ ಗೌರವಿಸಿತು. ತಂಡದ ಪ್ರತಿಯೊಬ್ಬ ಸದಸ್ಯರು ತಮ್ಮ ಆಯ್ಕೆಯ ವಾಹನವನ್ನು ಪಡೆದರು. ಈ ಎಸ್‌ಯುವಿಗಳನ್ನು ಟಾಟಾ ಗ್ರೂಪ್ ಅಧ್ಯಕ್ಷ ಎನ್. ಚಂದ್ರಶೇಖರನ್ ಮತ್ತು ಟಾಟಾ ಮೋಟಾರ್ಸ್ ಎಂಡಿ ಮತ್ತು ಸಿಇಒ ಶೈಲೇಶ್ ಚಂದ್ರ ಅವರು ಪ್ರಸ್ತುತಪಡಿಸಿದರು.

ಈ ವೇಳೆ ಮಾತನಾಡಿದ ಶೈಲೇಶ್ ಚಂದ್ರ ಅವರು, “ಅವರು ಸಂತೋಷ ಮತ್ತು ಉತ್ಸಾಹದಿಂದ ಆಡಿದರು. ಎದುರಾಳಿಗಳು ಪ್ರತಿ ವಿಕೆಟ್ ಮತ್ತು ಪ್ರತಿ ರನ್‌ಗೂ ಶ್ರಮಿಸುವಂತೆ ಮಾಡಿದರು. ವಿಶ್ವಕಪ್​ ಗೆದ್ದ ಅವರಿಗೆ ಏನೂ ಉಡುಗೊರೆಯಾಗಿ ದೊರೆಯಲಿಲ್ಲ” ಅವರ ಗೆಲುವು ನಮ್ಮ ಯುವಕರ ನಿರ್ಧಾರಗಳಲ್ಲಿ ಪ್ರತಿಧ್ವನಿಸುತ್ತದೆ. ಕೆಲವರು ಅದರಿಂದ ನಿರಂತರ ಪ್ರಯತ್ನದ ಮಹತ್ವವನ್ನು ಕಲಿಯುತ್ತಾರೆ. ಕೆಲವರು ಕ್ರೀಡಾಂಗಣದಲ್ಲಿ ಗುಡುಗಿನ ಚಪ್ಪಾಳೆ, ವೀರೋಚಿತ ಪ್ರದರ್ಶನ ಮತ್ತು ರೋಮಾಂಚಕ ವಿಜಯವನ್ನು ಕಲ್ಪಿಸಿಕೊಳ್ಳುತ್ತಾರೆ ಎಂದು ಅವರು ಹೇಳಿದರು.